پەیمانگەی تەکنیکیی تایبەتی ڕواندز

پەیمانگەی تەکنیکیی تایبەتی ڕواندز                                 

پەیمانگەی ڕواندز بۆ تەواوی دەنگ و رەنگەکان

sli

 

ئەمڕۆ دوای تێپەڕبوونی زیاتر لە (١٧٠)ساڵ بەسەر دەرکردنی یەکەمین ڕۆژنامەی ئاشووری بەناوی (تیشکی ڕووناکی) لە شاری (أورومیە) لە ئێران، پەیمانگە وەک ڕێزێک بۆ برا ئاشووریەکان کە خزمەتێکی بەرچاویان بە کۆمەڵگەی کوردستان کردووە، پەیمانگە سەکۆی خۆی ڕەخساند بۆ ئەوەی ئەم یادە بەرز ڕابگرێت.

 

لە پانێڵی یەکەمدا، (م. ئیڤان جانێ) بەڕێوبەری ناوەندی ڕاگەیاندنی دیانا، باسی لە مێژووی سەرهەڵدانی رۆژی ڕۆژنامەگەری ئاشووری کرد، دواتر تیشک خرایە سەر ناوەڕۆک و ژمارە و ڕۆڵ و کاریگەری ڕۆژنامەکە. پاشان، بە پرسیارکردن و سەرنج و تێبینیەکان پانێلەکە دەوڵەمەندتر کرا.

لە پانێلی دووەم بەڕێز (اسماعیل ابراهیم) بەرێوەبەری دەزگای زاری کرمانجی، ڕۆڵ و کاریگەری گەنجی لە ڕاگەیاندنی کوردی شرۆڤە کرد، دواتر تیشک خرایە سەر (ڕۆژنامەی گەنج) و (گەنجی ڕۆژنامە).

پاشان، سەرنج و پرسیاری ئامادەبووان بابەتەکەی دەوڵەمەندتر کرد، گفتوگۆ و ڕاگۆڕینەوە لەنێوان ئامادەبووان و پێشکەشکاران ئاڵ و گۆڕکرا.

لەکۆتاییدا، پەیمانگە سوپاسنامەی بەشداریکردنی بەخشی بە پیشکەشکاران. وە (ناوەندی ڕاگەیاندنی دیانا) سوپاسنامەی خۆی لە هەمبەر ڕەخساندنی سەکۆیەکی گونجاو بۆ پانێڵەکە پێشکەش بە ڕاگری پەیمانگە کرد.